Loading...
Forsíða2018-06-05T11:19:54+00:00

Hvað er Lyfjauðkenni?

Lyfjaauðkenni ehf. (enskt heiti er The Icelandic Medicines Verification Organisation (ICEMVO)), er nýtt félag sem stofnað er til að standa vörð um öryggi íslenskra sjúklinga gagnvart þeirri vá sem stafar af fölsuðum lyfjum.

Í febrúar 2016 birtist í stjórnartíðindum ESB reglugerð (Delegated Regulation (EU) 2016/161) sem ætlað er að styðja við tilskipun sambandsins (Directive 2011/62/EU) um fölsuð lyf. Með þessum reglum eru innleiddir nýir öryggisstaðlar er lúta að því hvernig komið skal í veg fyrir að fölsuð lyf berist inn í aðfangakeðju lyfja og að lokum til sjúklinga. Við birtingu reglugerðarinnar hófst niðurtalning til 9. febrúar 2019, en þá verða ríki ESB og EES ríkin Noregur, Ísland og Liechtenstein að hafa lokið innleiðingu þeirra ákvæða sem tilskipunin gerir ráð fyrir.

Tilgangur Lyfjaauðkennis ehf. er að koma á fót og reka innlent auðkennis- og gagnasamskiptakerfi fyrir lyf sem uppfyllir kröfur tilskipunar og reglugerðar ESB/EES. Til að ná þeim markmiðum og tryggja öryggi sjúklinga, starfar félagið með markaðsleyfishöfum lyfja og þeim aðilum sem starfa að dreifingu og afhendingu lyfja á Íslandi.

Lyfjaauðkenni ehf. er ekki rekið í hagnaðarskyni.

Við notum vafrakökur til að bæta upplifun þína af vefsíðunni. Nánari upplýsingar Ég skil