Apótek & sjúkrahús

Apótek, sjúkrahús og aðrar starfsstöðvar innan heilbrigðisþjónustunnar sem afgreiða lyf til almennings þurfa að staðfesta auðkenni lyfs við afhendingu þess til sjúklings.

Við framkvæmd á sannkennsli lyfjapakkningar, þ.e. skönnun hennar, breytist staða pakkningarinnar í „óvirk“ í gagnagrunni Lyfjaauðkennis.

Apótekum, sjúkrahúsum og öðrum starfsstöðvum innan heilbrigðisþjónustunnar sem afgreiða lyf til almennings er skylt að tengjast lyfjaauðkenniskerfinu. Nánari upplýsingar um um tengingu við kerfið með aðstoð Lyfjaauðkennis má finna hér.

Tenging við kerfið er notendum að kostnaðarlausu, en tengdir aðilar þurfa sjálfir að bera kostnað af nýjum skönnum og aðlögun hugbúnaðar vegna tengingar viðkomandi starfsstöðvar við auðkenniskerfið. Nánari upplýsingar um tengimöguleika fyrir apótek og heilbrigðisþjónustustofnanir við lyfjaauðkenniskerfið má finna hér.

Áður en sótt er um tengingu við lyfjaauðkenniskerfið eru notendur hvattir til að gaumgæfa eftirfarandi atriði:

• Hvar er ráðgert að skönnun fari fram og hvaða tækjabúnað þurfi að tengja;
• Uppfæra fyrirliggjandi hugbúnaðarkerfi til að eiga samskipti við gagnagrunn Lyfjaauðkennis og/eða setja upp sjálfstætt kerfi;
• Innleiða nauðsynlegar breytingar á vinnubrögðum, verklagsreglum o.s.frv.;
• Setja upp skanna til að lesa úr strikamerkjum;
• Að upplýsa og þjálfa starfsfólk um þær breytingar sem eru fram undan;
• Íhuga framkvæmd skoðunar á innsigli lyfjapakkninga.

Nánari upplýsingar um þau skref sem þarf að taka til að tengjast lyfjaauðkenniskerfinu má finna hér.