EMVO biðlar til allra þeirra aðila (OBP) sem ætla að tengjast EU-Hub, að hefja það ferli sem fyrst. EMVO bendir jafnframt á, að síðustu forvöð til að tengjast tímanlega eru fyrir júnílok 2018

On-boarding Partner (OBP) kallast aðili sem er markaðsleyfishafi (MLH) og setur inn gögn í lyfjaauðkenniskerfi EMVO. Hver OBP aðili getur verið fulltrúi fleiri en eins MLH.

EMVO vill benda OBP aðilum á að síðustu forvöð til að tengjast lyfjaauðkenniskerfinu tímanlega er fyrir júnílok 2018. Eftir þann tíma er hætta á að ekki takist að setja ljúka ferli tengingar og uppsetningar gagna frá viðkomandi fyrirtæki sem þurfa að vera til staðar þegar lyfjaauðkenniskerfið verður virkt þann 9.febrúar 2019.

Sjá nánar hér.

24/01/2018

Það er okkur gleðiefni að tilkynna að fyrsta notendaprófun á lyfjaauðkenniskerfi Solidsoft Reply hefur farið fram og stóðs kerfið prófunina.

Prófunin fór fram í Slóveníu, en niðurstöður hennar gilda einnig fyrir önnur lönd sem nota kerfið frá Solidsoft Reply, þ.e.a.s. Ísland, Danmörk, Svíþjóð, Írland, Litáen, Búlgaríu, Króatíu og Tékkland. Þetta er í fyrsta skipti sem Evrópska lyfjaauðkenniskerfið hefur verið prófað með þessum hætti og þannig markar þessi áfangi tímamót í þessu verkefni fyrir Evrópu.

Við framkvæmd prófunarinn skönnuðu apóteks- og heildsölukerfi pakkningaupplýsingar með einkvæmu auðkennisnúmeri og tvívíðu strikamerki frá J&J og Krka, sem þessir framleiðendur höfðu sett inn í Evrópsku gagnamiðstöðina fyrir þessa prófun.

Auk fulltrúa frá Solidsoft Reply og þeirra ríkja sem nota þeirra kerfi, voru fulltrúar frá EMVO og Slóvenskum apótekum og heildsölum viðstaddir prófunina.

Mánudaginn 11.desember var haldin vinnustofa Lyfjaauðkennis og Solidsoft Reply fyrir upplýsingatæknifyrirtæki.

Tveir sérfræðingar frá Solidsoft héldu námskeiðið og stóð dagskrá yfir frá kl. 9 til 16.

Á námskeiðið mættu fulltrúar og hugbúnaðarsérfræðingar frá Advania, Delfi, dk Hugbúnaði, Landspítala, LS Retail, Lyf og heilsu, Lyfjaveri, Nobex, Parlogis, Strikamerki, TM Software og Veritas/Distica, alls 21 þátttakandi.

Í kjölfar vinnustofunnar fá þessir aðilar aðgang að tæknilegu þróunarumhverfi SSR og geta hafist handa við þróun hugbúnaðarlausna sem tengja innlenda notendur við lyfjaauðkenniskerfið. Ráðgert er að hefja fyrstu prófanir (pilot) í mars á næsta ári og vonandi verða einhverjir þátttakendanna þá tilbúnir með hugbúnað til prófunar.

30. nóvember 2017

Fyrsta málþing á vegum Lyfjaauðkennis var haldið miðvikudaginn 29.nóvember. Málþingið var mjög vel sótt, en alls mættu um 80 þátttakendur víðsvegar að, bæði frá lyfjaframleiðendum og fulltrúum þeirra hér á landi, apótekum, heildsölum, sjúkrahúsum, Lyfjastofnun og upplýsingatækni-fyrirtækjum.
Málþingið fór fram í húsakynnum Vistor hf og bauð fyrirtækið jafnframt upp á léttar veitingar fyrir fund.
Dagskrá þingsins má nálgast hér og allar kynningar málþingsins hér.

29. nóvember 2017

Frá undirritun samnings við Solidsoft. Bessi Jóhannesson, Hjörleifur Þórarinsson, Þórdís Ólafsdóttir, Mark Usher og Guðmundur Óskarsson

Lyfjaauðkenni ehf hefur undirritað samning við Solidsoft Reply um uppsetningu og rekstur lyfjaauðkenniskerfis fyrir Ísland. Jafnframt er Ísland orðið aðili að samstarfsvettvangi annarra landa sem gert hafa samning við Solidsoft, s.s. Svíþjóðar og Danmerkur, sem nýtast mun vel í þessu verkefni.
Fyrir hönd Lyfjaauðkennis ehf undirrituðu samninginn fulltrúar hlutafa í stjórn félagsins, þau Guðmundur Óskarsson frá Alvogen/Alvotech, Þórdís Ólafsdóttir frá Actavis, Bessi Jóhannesson frá Icepharma og Gunnur Helgadóttir frá Vistor.
Fram undan er vinnustofa með innlendum upplýsingatæknifyrirtækjum sem þjónusta apótek, heildsölur og heilbrigðisstofnanir, en þetta er mikilvægt fyrsta skref við undirbúning þessara aðila við að tengjast lyfjaauðkenniskerfinu. Vinnustofan verður haldin 11.desember nk. í húsnæði Félags atvinnurekenda í Kringlunni 7. Skráning er nauðsynleg gegnum info@lyfjaaudkennis.is.

18. október 2017

The European Medicines Verification Organisation (EMVO) hefur gefið út leiðbeiningar til framleiðenda um hvernig tengingu við Evrópska lyfjaauðkenniskerfið skuli háttað. Sjá nánar á vefsíðu EMVO.